Same Same

G1: Uyy. Long time no mail. Busy ka yata sobra
B1: Slight lang naman. Kaw nga itong di nag-e-email e. Bago na naman trabaho mo?
G1: Medyo. O ano bago?
B1: Wala. Same-same.
G1: Lagi ka na lang same-same.
B1: E sa walang bago e. Alangan namang magsinungaling ako.
G1: Sungit. Mukhang kulang ka sa tulog a.
B1: Masungit naman talaga ako kahit sapat ang tulog. So same-same.
G1: O sige na. Same-same na kung same-same. Di mo ba itatanong kung ano bago sa akin?
B1: Bago trabaho mo di ba? O di alam ko na kung ano bago. Bakit kailangan ko pa itanong.
G1: Naisahan na naman ako. Kaya minsan mainam na wag na lang magtanong.
B1: Korek ka dyan. So.. bukod sa trabaho – ano pa bago?
G1: Wala na. Yun lang. Sabi mo nga – same-same.
B1: See. Nararamdaman ko na wala namang bago. Kaya di na ako nagtanong.
G1: Opo. Tama na po kayo.
B1: Nga pala – uwi ako dyan Pinas. Couple of days lang. May asikasuhin lang.
G1: Planned leave?
B1: Nope. Biglaan lang.
G1: Bakit? Anything wrong? May naospital? May…
B1: O… tama na ang acting. Di ka na makahabol sa OSCAR. Wala naman masamang nangyari. May asikasuhin lang nga.
G1: Abnoy. Syempre sabi mo biglaan so yun ang naisip ko.
B1: Asus. Aminin mo na na dati mo pang pangarap palitan si Judy Ann.
G1: Di naman masyado. So bakit ka nga uuwi dito sa Pinas?
B1 : May aasikasuhin lang nga. Kulit.
G1: My gulay… ikakasal ka na?
B1: Paano naman napunta ang usapan sa kasal.
G1: Tingnan mo ha….uuwi ka. Biglaan. Walang maysakit o namayapa. Sandali lang. Aasikasuhin. Pinagdikit-dikit ko lang ang clues. Malamang may aasikasuhin ka na wedding related!
B1: Is that you Nancy Drew? Paclues-clues ka pa dyan. Mali naman. Hindi pa po ako magpapakasal.
May nakita ka na ba na isinasama ko na someone somewhere. Wala naman di ba?
G1: Aba… malay ko. Nandyan ka … Nandito kami. Malay namin ko may someone ka dyan somewhere.
B1: Fine. I’ll give you that. Pero kung meron man – dapat natsismis mo na yan. Kaw pa. Lakas ng radar mo. Madalas nga nauunahan mo pa si Cristy Fermin e.
G1: Gago ka talaga. Hindi po ako tsismosa no. Bait ko nga e.
B1: Asus.. Nagdeny pa.
G1: So ano na? Sino na ang kawawang mapapangasawa mo?
B1: Hindi nga ako magpapakasal. Uuwi lang ako. Couple of days. Break lang.
G1: Hmm.. di nga?
B1: Wag ka mag-alala. Pag magpapakasal ako… sasabihin ko sa inyong lahat. Ilalagay ko pa ang picture namin sa Friendster account ko.
G1: What???
B1: O.. ano naman ang nakakabigla sa sinabi ko
G1: May friendster account ka?
B1: O. ano naman ang kataka-taka dun.
G1: Wala lang. Pag kasi mag-open ng friendster account… kailangan may Friends.
B1: Gago ka pala e. Ano naman ang akala mo sa akin. Walang friends?
G1: Sort of.
B1: Meron naman no. Ang dapat itanong dyan — di ba sabi mo friend kita? Bakit wala ka sa Friendster ko?
G1: Wala kasi akong friendster account.
B1: Dahil wala kang friends?
G1: Abnoy. Dahil hindi ko na kailangan ng friendster account para masabi na may friends ako.
B1: In other words … wala ka nga friends
G1: Abnoy ka talaga. Hayaan mo – gagawa ako ng friendster account. Tapos ipapakita ko sa yo na mas marami ako friends!
B1: Ok. Iinvite mo ako ha. Para at least – meron ka na isang friend.
G1: In other words… gusto mo madagdagan ang pitiful friends list mo.
B1: Hmm.. pwede na rin.
G1: Nagtataka lang ako may friendster account ka… di ka naman friendly. Susunod nyan sasabihin mo na may blog site ka na.
B1: May blog site na ako. Ivisit mo minsan. www.___________.com
G1: Di nga?
B1: Oo nga. Ano naman mapapala ko kung magsisinungaling ako. Kikita ba ako? Di naman.
G1: Di nga? Blogsite?
B1: Oo naman. Ano naman kagulat-gulat dun.
G1: Wala lang. Non-conformist ka e. Tapos friendster, blogsite – you are one of them.
B1: Ano naman sama? Di ko naman ginagawa yun para maging one of them. It is for my own happiness.
G1: Ha? Happy? Kailan ka pa naging happy?
B1: Lam mo… pag nagkita tayo. Tatadyakan kita. Parang napakasama ng pagkakilala mo sa akin a.
G1: Di naman. Hmm. Medyo.. Slight
B1: Abnoy. Mabait akong tao no. Mapagkalinga. Mapagkumbaba. Mapagmahal.
G1: Mapagsinungaling
B1: Leche. Sa susunod nga wag ka na mag-me-mail.
G1: Nangungumusta lang naman. Eto talaga.
B1: Nangungumusta? E nangiinis ka lang e.
G1: Asus. Pikon.
B1: Ako? Di ako pikon no.
G1: Ewan ko sa yo. So. Ano. Kumusta ka naman?
B1: Eto. Same Same
G1: Mainam naman. Ako rin. Same-same.
B1: Mainam naman
G1: O sige. Sa isang taon ulit.
B1: Okidoks. Paalam.

Usapang Nunal

What do Enrique Iglesias, Piolo Pascual, Lorna Tolentino and Ate Glo have in common? Correct – their trademark – more famous than most of us – moles. Nunal na naghihiwalay sa kanila from other famous personalities. Except for Enrique Iglesias — the other 3 personalities I mentioned let their nunals be. Di nila ito pinakialaman. Enrique Iglesias decided to remove his famous mole — ngayon nasaan na sya? Nawala na parang bula. If I remember correctly — he did another album which bombed big time. Why? Ewan. Dahil kaya ito sa nawalang nunal? Pwede. Although we cannot be sure. Baka naman talagang sawang-sawa na ang mga tao sa mga Latino-singing-bootylicious-behind-gyrating singers.

Mole issues are not new to me. I have a couple of - depending on who you asked – well or ill placed moles. One is below my right eye. The other is just above my mouth – left side. I don’t mind having them really. They are not really that prominent - so no biggie. Let it be – yan ang aking pamantayan. Nga lang — parang hindi yata kayang gawin ito ng ibang mga tao. Case scenario 1 — tuwing nagreremit ako sa Lucky Plaza – I will be passing by this beauty clinic kung saan may mga staff na nasa may pintuan. Everytime na dadaan ako — lagi kong maririnig — “Mole removal po ser…”.. o “Tanggalin natin nunal nyo ser…”. As in everytime yan – walang mintis. Tingin ko nga meron silang kakaibang kapangyarihan. Yun bang papalalapit pa lang ang tao – nasesense na nila na may nunal ito. Kaya kahit anong gawing tago mo – nasaan mang singit ang nunal na yan – malalaman at malalaman nila yan. Minsan nga – feeling ko… parang gigil na gigil sila sa aking nunal. Minsan nga gusto ko sabihin na – “Ano ba… leave my mole alone!”. Nga lang — baka sabihin nila medyo OA ako – kaya dinededma ko na lang.

For sure iniisip nyo – OA naman nitong tao na to. Nunal lang may issue pa. Sorry na lang po…. One should never underestimate the power of the mole. Kaya nitong paikutin ang buhay ng isang tao. Tulad na lang ng nunal ko sa tuluan ng luha. Ayon sa matatanda – malas ito. It’s a clear sign na ma-biyudo ako for sure. Sama di ba? Ano ang ibig nyo sabihin? Either ipaalis ko ang nunal ko or wag na ako mag-asawa? Kung ipaalis ko ang nunal ko – paano ako makakasiguro na mawawala na ang sumpa ng nunal sa tuluang luha? Technically – nung nauso ang pamahiin na yan — wala pang technology para tanggalin ang nunal. Does this mean na covered ng pamahiin ang tinanggal na nunal? O pag peklat na lang naiwan – mas lesser ang magnitude ng masamang pangyayari – i.e. din a mabiyudo – pero maaksidente naman ang asawa? Kung live-in ba… counted ba yun? Kung iiyak ba ako ng upside down para hindi matuluan ng luha ang nunal ko — pwede ba na workaround ito para maiwasan ang sumpa? Kung sa left eye lang tutulo ang luha ko — abswelto na ba ako sa pamahiin? Ano? Ano? Puro katanungan – na walang kasagutan. Dapat kasi kung gagawa ng pamahiin – look at the bigger picture… take into consideration ang future technological advancement. Dapat din isama na ang pagiging maabilidad ng Pinoy sa pag-iisip ng workaround at pagpipilosopo. Para malinaw lahat.

At nunal pa lang yan sa tuluan ng luha. Paano na ang iba pang mga nunal. Kailangan din pag-isipan yan. Pero one thing is sure — wala ako plano paalis ang mga nunal ko. Kahit ano pang pamahiin o pangungulit ni Dr. Bello. Aba mahirap na — we should all learn from the Enrique Iglesias incident. Mamaya – ito palang mga nunal na ito ang swerte sa akin. Wala namang mawawala (bukod sa asawa… see above paragraph again) – e di mag-asawa ulit. ☺

P.S. na Muni Muni

1. Nasaan na kaya si Vincent Dafalong (tama ba spelling?)?
2. Bakit wala pang gumagawa ng pelikula na may pamagat na “ Ang Sumpa ng Nunal sa Tuluan ng Luha”? Maganda nama di ba?
3. Ano ba ang ibig sabihin ng Nunal sa Tubig? Paano naman nagka-nunal ang tubig?
4. Nakaka-apekto kaya ang nunal ni Ate Glo sa kaniyang pagsasalita… no?
5. Kung ang nunal mo ay nasa pisngi — ngunit it is within “tear” path – as in natutuluan din sya ng luha….. kasama kaya ito sa pamahiin?

Bato ulit?

 Jan-16-08. I am B-O-R-E-D… bored..bored..bored…. …bored….. Pakiramdam ko I am in a rut… Yup.. Rut in the year of the Rat….. what a cliché. Hay….. O.. wag nyo muna akong husgahan. I am trying to do something para naman hind maging routinary ang aking mga araw. After much delay – I am finally taking a class related to the FCY market. This is definitely something new. I attended my first class and I did learn a lot. I do go out on weekends… went out of the country few months ago.. planning to go somewhere this Chinese New Year vacation… So.. you can’t say that I am bored kasi I am too lazy to remove my huge bum in my chair. Nope – can’t say that. I may not be as active as the energizer bunny … but I am not that lazy either…. But still… I’m bored.. bored.. bored… Sigh… I needed something to wake up my spirit… a challenge of some sort… Everything is just plain boring. I am definitely underutilized in my job. Oo.. alam ko.. malamang sabihin nyo na maswerte nga ako at wala akong ginagawa.. but mind you.. I have been doing nothing for more than a year… di na sya nakakatuwa… Di rin pala maganda na sweldo ka lang ng sweldo na wala masyadong effort.. O ang mga kilay.. ibaba… As what I have told a couple of friends – one cannot understand my situation unless you have experience it. Kaya please lang – keep your judgemental opinions to yourself. I am looking forward to the day na mauuntog ang amo ko and realize that they hired me for a reason — di lang para maupo maghapon at magbasa ng e-books. If this continues – I would be surprise if they will be able to evaluate me. Ano basis nila – gaano ko kabilis natatapos ang isang Stephen King novel? (Couple of days or so depende sa haba). Hay naku… everything is just plain boring.. my job… environment… singabore…. this blog entry…. Boring.. boring.. boring… Tigilan ko na lang nga…. Aksaya lang ito ng Panahon. Babu.P.S. Feeling ko lang… sa mga susunod kong blogs… malamang sa hindi.. magkakaroon ako ng entry na nagrereklamo naman ako sa dami ng trabaho. Wala lang. Ganyan naman kasi talaga ang buhay.. parang life.

A Public Retraction

A couple of blogs back – I was lamenting on the fact that a New Year may also mean Same Year. However — few days ago — mukhang the stars (the celestial bodies ha… hindi yung mga artista) have aligned and transpired to prove me wrong. Hay. Ok. Fine. Binabawi ko na ang sinabi ko. Take this blog as a retraction of what I said earlier. 2008 will definitely be a New Year for me. Happy? And when I say transpired — I really mean transpired… with gusto…. Leaving me with nothing… not even an ounce of chance na makahanap ng lusot tungkol sa aking New Year/Same Year na paniniwala.

Tiyak tinatanong nyo… ano namang changes yan… hmm…. 1st instances… pero dahil sa trabaho related… I need to be as vague as possible. Sabihin na lang natin na maraming rigodon ngayon sa opisina… kanya-kanyang sayaw sa sarili nilang tugtugin… isa-isang nag-raise ng hands to be counted as true and not a mere rumor. Basta. Yun na yun… I am affected to a certain small degree… sa ngayon ha… pero its really to early to say kung ano ang magiging ending ng sayaw na ito. Hayaan nyo… balitaan ko kayo kung sakali.

2nd instance happened yesterday. Hindi naman sya immediate change… but just the same alam ko rin naman it is inevitable. I mentioned in one of my blogs the sky rocketing rental fees dito sa Singapore. For the past couple of years- we are fortunately shielded. Pero – it seems that our luck has run out. We are to renew our tenancy agreement sa bahay – and I am definitely expecting that the rent may double.. or worse ilevel nila sa market price. However – prepared naman kaming mga housemate ni Lola to pay the hefty fee. Wala naman choice e – we love our current abode… sabi nga dati ni Charlene Gonzales – At Home ako dito. It is definitely our home away from home. Nga lang – iba pala ang nasa isipan ni Lola. Hay. Base on yesterday’s usapan – we can renew our tenancy contract for 6 months only. Balak na pala nilang ibenta yung bahay. So in 6 months – goodbye home away from home na kami. Unless daw bilhin naming yung house. Hmm… tempting… but I don’t think I am in a financial position to buy an HDB Unit here in Singapore… or anywhere else for that matter. Neither are my housemates. Hay. Sayang. So what else to do…. Hahanap na lang kami ng ibang matitirahan which will surely be overpriced and will definitely be not as nice as our current place. This will surely make a dent on my monthly salary and will affect my financial plan for the year! Hay. Ha? Oo nga pala… muntik ko nang malimutan… our rent will also increase…. Gaano ang increase? Well – this is the funny part — SGD$80 lang…. as in…. Siguro nahihiya sa amin si Lola kasi papapalayasin na niya kami in 6 months… so nagpakunswelo siya. But still — looking at this in another angle — 6 more months of very low rent! Aba. Kaunti lang ang nabibigyan ng ganyang pagkakataon… siguro nga… we are still lucky.. for 6 months… Sabagay .. di rin natin alam ang mangyayari sa future… malay natin… the next house will be bigger, better, and cheaper…. Hmm.. di kaya sa Big brother house kami susunod na titira? Well…that will definitely be something new.

Today is only January 10 – and NEW things have already been happening. It may be an immediate change… or an anticipated change… but bottomline is – it is something NEW that definitely hasn’t happened last year. Sabi ko nga — mukhang the stars really want to prove a point … and I now do agree with them. Every end of the year signals the beginning of a NEW year – may mga bagay man na paulit-ulit na nangyayari – that does not mean na its sa SAME year over and over again. If you will really look closely – miniscule as it may seem – kahit papaano – there is still something new in it. So ngayon — I would again want to greet every one — A HAPPY NEW YEAR — and this time — I mean it… Pramis! ☺

P.S.Si Lolit Solis kaya – kailan gagawa ng retraction? Tingin nyo?

Hula Lang

This is my very first blog for the year 2008 kaya I would like to start with a greeting —- HAPPY NEW YEAR!!!! I had a good 2007 and I hope my 2008 will be loads better. Sige na nga – wish ko na rin yan sa inyo — my dear reader/s.

Tuwing papalapit ang New Year – napapansin nyo ba na constant fixture ang mga manghuhula sa mga shows sa Pinas. Usong-uso ang pag-predict kung ano ang mangyayari sa Pilipinas para sa parating na bagong taon. Ang napapansin ko lang — napaka-generic ng kanilang mga hula. Feeling ko lang – di na kailangang maging psychic pa para mahulaan ang mga maaring mangyari sa bayan nating mahal. Pero dahil uso ito — makikisakay ako panandalian sa band-wagon. Opo. Susubukan kong ipredict ang mga maaring mangyari sa Pilipinas – mapapulitika, showbiz o mga sakuna pa yan. Kaya panandalian munang magsitabi sina Rene Mariano, Jojo Acuin, Madame Rosa at Madame Auring — dahil sa mga susunod na minuto – ako muna ang bida…..

Ayon sa aking Carrot Cards (cards na printed with carrots — pag-aari ito ni Bugs Bunny dati) - para sa pulitika sa Pilipinas — nakikita ko na magiging magulo pa rin ang pulitika sa Pilipinas. Magkakaroon ng pagsulong ng isang impeachment case laban kay Ate Glue pero ito ay kanyang pagwawagian. Hindi pa rin tatangkad si Ate Glue – kahit na nagtatalon pa siya ng New Year’s Eve. Patuloy pa rin ang Oposisyon sa pag-o-oppose — hindi lamang sa administrasyon… kung hindi sa kapwa oposisyon din. Magsisimula nang unti-unting lumutang ang mga Presidentiables — kanya kanya na silang pacute. Magsisimula na rin silang mag-ikot sa bansa para mangampanya – pero itatago nila ito sa balatkayo na medical missions, consultative meeting with the poor etc..etc. Magsisimula na rin ang rigodon sa mga partido – may opisyon na magiging administrasyon, administrasyon na magiging oposisyon at mga nadedma o naisahan at walang kakampi na gagawa ng sariling partido. Dadami ang mga pulitiko na walang pinapanigan — yung mga hindi daw pro-administrasyon at hindi rin pro-oposisyon….. pro-people daw sila. Ito ang mga pulitko na hinihintay pa ang turing ni banker – bago sagutin ang katanungan “ Is it opposition or administration?” Malamang ay No Deal pa rin muna sila – hanggat hindi nabubuksan ang milyong-milyon na briefcase. Isa lang ang payo ko sa kanila – piliin si Charmel. May mga Public Officials na maiiskandalo dahil sa graft and corruption. Iimbistigahan ito agad ng SBI – Senate Bureau of Investigation. Dahil dito – wala na naman silang maipapasa ng mga batas. Magiging maigting pa rin ang labanan ng mga rebelde (Abu Sayaff/ NPA) at sundalo. Ang labanang ito ay parang friendship — it will last forever

Para naman sa Pinas Society - Batay sa aking Crystal Ball na may kaunting crack — dadami pa ang mahihirap — kasi manganganak sila ng manganganak. Ikaw man ang mahirap – kaysa bumili ng contaceptives… ibibili mo na lang ng bigas. Dahil sa mahirap sila – wala rin silang pera para panggastos sa paglilibang tulad ng panonood ng sine, traveling or sports like ice-skating, equestrianne etc. Kaya maglilibang na lang sila sa pamamagitan ng pakikipagniig sa kanilang mga waswit – which in turn leads to pregnancy then birth.. then poverty. Meron din mga demonyo na eextra pa sa kanilang mga anak, pamangkin, kapitbahay. Pag nahuli – sasabihin nilang lasing sila o nakadroga kaya hindi nila alam ang ginagawa. (Note: Suggestion ko lang – bakit hindi natin sila itali sa plaza ng hubo’t-hubad… paliguan ng honey at ipakagat sa langgam hanggat mamatay! Pwede rin gawing fund raising — 5 pesos kada kurot … 10 pesos pag may sampal… 20 pag may tadyak. Yung perang makukuha ay ibigay sa victim… suggestion lang naman…) . Marami pa ring mahihirap ang mahihikayat ng oposisyon na mag-rally kapalit ng kaunting pera o grocery dala na rin ng kahirapan. Meron din namang mga blind believers – na hindi mo naman masisi – kasi dahil sa pakiramdam nila ay wala naman silang nararamdaman na pagpapahalaga mula sa gobyerno. Ang mga working middle class naman ay dedma pa rin. Siguro dahil sa napagod na rin sila sa pakikibaka. O dahil sa wala namang maibigay na true alternative ang oposisyon. Nanaisin pa nilang magtrabaho at kumita kaysa sa magsayang ng oras. Ang mga mayayaman – well yayaman pa rin sila at patuloy pa rin sila yayaman for years to come. The emerging middle class backed by the OFW remittances is the sector to watch out for. Patuloy ang property boom dahil sa kanila. Medyo nagiging wais na sila ngayon – kaya instead na magpadala ng limpak-limpak na salapi na malulustay lang sa mga walang kwentang bagay – they will opt na ilagay ito sa real estate… or in investments tulad ng stock, bonds etc.

Para naman sa Pinoy Showbiz. Hmmm… batay sa galaw ng buwan at mga bituin… may mga beteranong actor at actress na mamamatay. Kasi nga matanda na sila. Mayroong mga batang actess na mabubuntis. May mga teenstars na malalaos at papalitan ng mga bagong teenstars na produkto ng reality shows. May mga pelikulang Pinoy na magbibigyan karangalan sa ibang bansa. May mga mang-aawit na mag-shine sa mg international competitions. Dapat pag-ingatan ni Dolphy ang kanyang kalusugan…. kasi kung hindi… magkakasakit sya. Actually – tutuo ito hindi lang para kay Dolphy pero pati sa lahat ng artista… lahat ng Pilipino. Kasama na ako dun. May mga showbiz couples na maghihiwalay! Kasi kung hindi naman couple… paano sila maghihiwalay? Tuloy na tatangkilikin ng mga Pilipino ang GMA at ABS-CBN. May mga international recognitions din silang matatanggap. Tungkol sa ratings — ang mag-number one ay depende kung sino ang tatanungin. Pag mak-kapuso — syempre number 1 ang GMA… pag maka-kapamilya – syempre ABS-CBN ang number one. (Naisip ko lang… paano kung nag-channel surf… as in palipat-lipat from 2 to 7… paano macount sa ratings ito?). Patuloy pa rin ang pagsikat nina Judy Ann Santos, Claudine Baretto, Bea Alonzo, Anne Curtis, Angel Locsin, Marianne Rivera at iba pang mga sikat sa GMA na di ko kilala. Paano ko nalaman? Well — hula lang naman. Kung malaos man sila – sorry… mali ang hula ko.

Para naman sa bansang Pilipinas –nababasa ko sa aking kulang kulang na deck of cards… na makakaranas ang Pilipinas ng mga sakuna. Hindi po si Erap at Jinggoy ang sinasabi ko (although pwede silang i-consider na sakuna). Nakakakita ako ng mga pagbagyo – lalo na sa rainy season. Magkakaroon din ng tagtuyot – sa dry season. Magiging mainit ang summer. Malamig naman ang Christmas season. Magkakaroon din ng mga paglindol at maari ring magkaroon ng pagsabog ng bulkan. Madali itong hulaan kasi ang Pilipinas ay nasa Pacific Ring of Fire at Earthquake belt kung saan normal ang pagkakaroon ng pagsabog ng bulkan at paglindol. Magkakaroon din ng ilang trahedya sa mg sasakyang pangtubig (kasama dito ang barko, bangka, kayak, salbabdida and the likes) . Para maiwasan ito – wag magbiyahe sa pamamagitan ng tubig… este pag masama ang panahon. Kung nanaisin naman natin tingnan ang bright side – pagkatapos ng lahat ng sakunang ito — mabilis pa kay Flash na darating ang mga presidentiables upang tumulong sa mga biktima. Marami rin silang kasamang press people para sa Photo opportunity. Dahil dito – bibilis ang pagdating ng tulong….. kikita ang press… at pati na rin ang photo developing business. Hay — kahit taon-taon nangyayari sa Pilipinas ang mga sakunang hinulaan kong mangyayari — sana naman ay ipagdasal natin na magkamali ang aking hula….. kawawa naman kasi yung mga biktima….

Sa pangklahatan — nakikita ko na business as usual na naman sa Pilipinas. Tila reenactment ng 2007 ang 2008. Sila-sila pa rin ang makikita… pareho pa ring paghihirap ang madaranas…. Talo pa rin ang mga Pilipino….. Pero tulad nga ng laging sinasabi ng mga manghuhula — ang lahat po ito ay gabay lamang —- nasa sa atin pa ring mga tao kung ano ang magiging lagay ng ating bukas. Sipag, tiyaga, paniniwala sa kakayahan at paniniwala sa Diyos — pag lahat ng ito meron tayo — taob lahat ng mga hula na yan…. Muli… MANIGONG BAGONG TAON SA LAHAT!!!! ☺

P.S. Tingnan natin sa 2009 kung nagkatotoo ang hula ko sa 2008…. Wala lang…. gusto ko lang malaman kung magaling ako manghula. Malay nyo – sa darating na future – baka ako na ang mag-guest sa mg tv shows na nangangailangan ng manghuhula…. extra incomde din yun ha! ☺